Zapran gagoz lantaldea azken txanpan sartu da. Ekainaren 3an Lekeition ospatuko den Euskal Eskola Publikoaren jaiaren atarian, lantaldeak eskola komunitatea osatzen duten guztiekin egin du agerraldia gaur [maiatzak 25], Lekeitioko Independentzia plazan. Oro har, euskal herritar guztiei ekainaren 3an Lekeitiora joateko gonbitea egin diete. “Guztiei egiten diegu gonbitea, eskola publikoaren eta euskararen jaia hau guztiona delako“. Halaber, jaiko protagonista nagusiak Euskal Eskola Publikoko ikasle guztiak zarete direla azpimarratu dute. “Lekeition ongietorria izango da alaitasunez ondo pasatzeko gogoz eta errespetuz etortzen den guztia”.
Azaroan jaiaren aurkezpena egin zutenetik orain arte egindako ekintzak errepasatzeaz gain, jaiagaz bat egin, mezua zabaldu edota babesa eman dieten guztiei eskerrak emateko baliatu dute agerraldia. “Antolatutako ekintza guztietan Lekeitioko herritar, elkarte eta erakunde guztien aldetik edukitako languntza eskertu nahi dugu: udala, kultur eta kirol elkarteak, komunikabideak, alor ezberdinetako pertsonak…”.
Egindako ekintzen zerrenda: Ana Meaberen ipuin kontakizuna, Txabi Txakartegi pediatraren hitzaldia, Martxoaren 8an ospatutako Realeko eta Athleticeko emakumeen partidua, eskola kirolaren inguruan egindako mahai ingurua, Gari eta Kirmen Uriberen kontzertua, apirilean Santi Brouard pilotalekuan 500 lagunentzako egindako kantu bazkari arrakastatsua, sare sozialetan egindako Zapran gagoz argazki lehiaketa, Euskal Herriko I. Literatur Topaketa, herri martxa, Zapran gagoz kantua eta bideoklipa…
Ezkerretik eskumara: Andeka Uriarte (Lekeitio BHIren zuzendaria), Unai Zubiaur eta Maitena Gerrikaetxebarria (Lekeitioko Eskola Publikoko Guraso Elkarteko kideak), Koldo Goitia (Lekeitioko alkatea) eta Lourdes Imaz EHIGEko zuzendaria
Halaber, Zapran gagoz abestiaren bideoklipak edukitako arrakasta ere aipatu nahi izan dute. Eta nola ez, bideoa egin duen Xabier Villalba Traolako arduradunari eskerrak eman dizkiote. “Lan ederra egin duzu, artista!”. Bideoak hilabete eskasean 27.000 bisita baino gehiago eduki dituela aipatu dute. B”ideo hori egiteko asko eta askoren laguntza ezinbestekoa izan zen. Eta kantuaren eta bideokliparen aurkezpenean Ikusgarri aretoa bi aldiz bete zen”.
Zapran gagoz leloa aukeratzeko prozesua gogora ekarri dute, eta 100 proposamen baino gehiago jaso zirela aipatu dute. Hautaketa bozka bidez egin zuten, eta Xabat Agirre diseinatzaile ondarrutarrak haurrek egindako marrazkietan oinarrituta diseinatu zuen irudia. “Hau guztia eskolako guraso, irakasle eta ikasleei esker izan da, bidea ere helburu dugulako. Gure haurrentzat desio dugun hezkuntza eredua etengabe elikatu duen parte hartzea eta elkarlana bilatu dugulako. Gure haurren beharrizanak antzeman eta esparru berriak sortzeko aitzakia ere bihurtu dugu ekainaren 3ko jaia. Hori jai eguna bera bezain garrantzitsua da guretzako”.
Eskerrak emateaz gain, egunotan ekainaren 3an Lekeitiora joateko gonbitea egiten duen iragarkia primizian entzuteko aukera ere egon da agerraldian
Herriko babesleak. Jaia babestu duten herriko talde, eragile eta erakundeak: EAJ eta EH Bildu alderdi politikoak, Hego Haize bela elkartea, Dzanga kaiak, Artzabal, Xake kirol kluba, Akarregi pilota elkartea, Tximista, Lekeitialde, Marierrota, Isuntza, Lekeitio FT, Amandarri, Garraitz, Ranpabako, Urpeko Kirol Taldea, Zaletxuak, Estudiantina, Aittitta Makurra…
Jaia babestu duten Euskal Herri mailako gizarte eragile, erakunde eta pertsonak: Real Sociedad eta Athletic Club fundazioak, Athletik eta Realeko emakumezko txikiak, Gari eta Kirmen Uribe, Alex Txikon, Pirritx, Porrotx eta Mari Motots, Sustrai Colina, Javi Dominguez, Kerman Lejarraga, Kepa Junkera, Berri Txarrak…. Asko eta asko izan dira jaso ditugun babesak.
Eskerrak emateaz gain, egunotan komunikabide ezberdinetan ikusi ahalko den iragarkia ere estreinatu dute. Ondokoak dira iragarkian parte hartu duten aurpegi ezagunak: Joxerra Gartziari eskerrik beroenak (ikus-entzunezko komunikazioan aditua eta idazlea), Andoni Egaña (bertsolaria), Aitziber Garmendia (aktorea), Dani Alvarez (Radio Euskadiko kazetaria), Ana Urrutia (EiTBko aurkezlea), Garbiñe Biurrun (epailea eta EHUko irakaslea), Juango Alvarez (EHUko katedradun irakaslea), Nerea Arrien (idazle lekeitiarra), Axi Muniain (surflaria), Nerea Ibarzabal (kazetari eta bertsolari markina-xemeindarra), Joseba Apaolaza (aktorea), Ibai Gomez (Alaveseko jokalaria), Eli Ibarra (Athleticeko futbol jokalari ohia), Kepa Arrizabalaga (Athleticeko atezaina), Zuriñe Hidalgo (aurkezlea, abeslaria eta eskola publikoko irakaslea), Asier Illarramendi (Realeko jokalaria) eta Abel Barriola (pilotari ohia). “Guztiei gure eskerrik beroenak. Ez da lan erraza izan, sekulako koordinazioa eskatu duelako, eta parte hartzaile guztiek erraztasunak eman dizkigute”.
Agerraldian ondokoek parte hartu dute: Andeka Uriarte (Lekeitio BHIren zuzendaria), Unai Zubiaur eta Maitena Gerrikaetxebarria (Lekeitioko Eskola Publikoko Guraso Elkarteko kidea), Koldo Goitia (Lekeitioko alkatea) eta Lourdes Imaz EHIGEko zuzendaria.
Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Halaber, Zapran gagoz abestiaren bideoklipak edukitako arrakasta ere aipatu nahi izan dute. Eta nola ez, bideoa egin duen Xabier Villalba Traolako arduradunari eskerrak eman dizkiote. “Lan ederra egin duzu, artista!”. Bideoak hilabete eskasean 27.000 bisita baino gehiago eduki dituela aipatu dute. B”ideo hori egiteko asko eta askoren laguntza ezinbestekoa izan zen. Eta kantuaren eta bideokliparen aurkezpenean Ikusgarri aretoa bi aldiz bete zen”.
