175.000 herritar Gure Esku Dago-k antolatutako giza katean

Lea-Artibai eta Mutrikuko Hitza

Amoroto,Aulesti,Berriatua,Etxebarria,Gizaburuaga,Ispaster,Lekeitio,Markina-Xemein,Mendexa,Munitibar,Mutriku,Ondarroa,Ziortza-Bolibar

2018/06/11

Inoizkorik mobilizaziorik jendetsuena izan da Gure Esku Dago-k antolatuta domekan [ekainak 10] Donostia, Bilbo eta Gasteiz (201,9 kilometro) lotu zituen giza katea. Hiriburuetan nahikoa jende batu bazen ere, Lea-Artibai eta Mutrikuko herritarrek bete beharreko kilometroetan jertseak, pankartak eta abar erabiliz lotu zuten katea. Bertoko herriei egokitutako kilometroetan egon ziren herritarrek, gainera, umore onez parte hartu zuten. Mutrikuarren kilometroan, esaterako, erraldoiak eta trikitilariak ere egon ziren. Ondarroaren kilometroetan, Andrabandak jarri zuen giroa. Antolaketa “ona”. Bertoko herrietako bizilagunek autobusen eta giza katea osatzeko herri dinamikako antolatzaileek egindako lana eskertu dute. “Dena ondo antolatuta egon da”.