21. Dinamartxan izena emateko egunak zehaztu ditu Radixu Irratiak
Ekainaren 25ean, 26an eta 27an (astelehean, martitzena eta eguaztena) izena eman ahalko da, Musika Plazan, 19:00etatik 21:00etara. Izen-emateak 15 euro balio ditu, eta kamisetak 13 euro. Soilik kamiseta erosi nahi dutenek ere hiru egun horietan aurrez esandako ordutegian agertu beharko dute Musika Plazara.
Azken urteetan modura, Dinamartxa bizikletaz (Tolosa-Ondarroa) edo mendiz mendi (Tolosa-Ondarroa) egiteko aukera egongo da. Hori bai, mendiz mendi egiteko lekuak mugatuak direla esan dute; 50 lagun inguruk izena eman ahalko dute. Ibilbidea bizikletaz egingo dutenak ekainaren 30ean goizean goiz aterako dira; bizikletak aurreko egunean (ekainak 29) kamioi batera sartuko dituzte. Mendiz mendi egingo dutenak, ostera, bezperan, gauerdian, aterako dira.
Aipatu hiru egunetan Musika Plazara joaterik ez dutenek lagun edo senideren baten bidez izena eman ahalko dute. Hori bai, izena ematen duen horrek baimen orri bat sinatu beharko du, parte hartu duenaren segurtasunaz arduratzen dela esanez. “Martxan parte hartuko duen parte hartzaile bakoitzak sinatu behar du baimen orria. Baina besteren baten bidez izena ematen dutenen kasuan, izena ematen duen horrek sinatu ahal du orria”.
