Espainiako Txapelketako finala lehiatu du Jonan Bilbao atleta markina-xemeindarrak
Asteburuan Castellon (Herrialde Katalanak) lehiatu den Espainiako Txapelketan parte hartu du Jonan Bilbao Omaetxebarria atleta markina-xemeindarrak. Durangaldea Runing taldeko kirolaria 3.000 metroko finalerako sailkatu zen 9 minutu eta 29 segunduko marka lortuta.
Barikuan abiatu zen Castellorantz Bilbao, bere taldekideekin batera, eta finala atzo [uztailak 1] 20:00etan izan zuen. Nahiz eta norgehiagoka arratsaldeko azken orduetan izan, bero asko egin zuen Valentzi aldean, eta atleta gazteak ezin izan zuen 9 minutu eta 29 segundotan ezarrita daukan marka pertsonala hobetu. Hala ere, amaiera polita eman dio Bilbaok denboraldiari, eta esperientzia berri honegaz “pozik” agertu dela adierazi dute etxekoek.
Jonan Bilbao Castelloko lasterketan. Argazkia: Jon Bilbao
Espainiako Txapelketako 3.000 metroko parte hartzaileak irteeran. Argazkia: Jon Bilbao
