Txan Txun Txun-en etorreragaz lehertu da jaia Amoroton

2018/07/04

Eguraldi goibelari kolorea emanda, San Martin eguna ospatzen ari dira gaur amorotarrak. Eguerdiko mezaren ostean, herriko Arta-Nagusi dantza taldearen emanaldiaz gozatzeko batu dira plazan. Arratsaldean, berriz, txupinazoaren eta pregoiaren txanda izan da. Euskal Telebistako Hauxa2 saioko Ana Goitia lekeitiarra eta Onintza Enbeita muxikarra izan dira aurtengo pregoilariak. Goitiak pregoia irakurri eta txupina bota du, eta Enbeitak Txan Txun Txun-i garagardoa eman dio jaietan egarririk ez pasatzeko, eta bertsoa eskaini die bertan bildutakoei.

[zuzenean ARGAZKI GALERIA IKUSI]

Amorotoko herriari eskerrak eman dizkie, eta pregoia irakurtzeko eurek hautatu izana ohorea dela esan dute. Jaietan gozatzeko mezua luzatu dute udaletxeko balkoitik, eta den-dena ez dela libre azpimarratu dute, “bakean dagoenari bakean uzteko”. Hain zuzen, udalak ere eraso sexistarik gabeko jaiak aldarrikatu ditu. Watxinitiei ezustekoa eman diete amorotarrek. Izan ere, wantxifans talde bat hurreratu zaie, eta watxiniti izateko mezua zabaldu dute plazan zeudenen artean. Pregoiaren aurretik eta ondoren ere ez da umorerik falta izan. Goitia eta Enbeita balkoira igo aurretik, herritarren arteko olinpiadak egin dituzte. Hain zuzen, “autoktonoen, etorkinen eta joandakoen” arteko jokoak egin dituzte. Ikusleen arteko barre-algara artean, primeran pasatu dute batzuen zein besteek. Txupina jaurti ondoren, bertsolariek eta trikilariek hartu dute lekukoa. Garazi Navarro amorotarrak eta Xabat Galletebeitia eta Aitor Arrizubieta Toko lekeitiarrek eta Nerea Onaindia eta Ainhoa Arostegi trikitilariek lagunduta elkartu dira poteoan. Gauean parrandarak aitzakia ederra izango dute Gozategi eta DJ Bull-en eskutik. *Jaien egitarau osoa ikusteko sakatu hemen.

Eskolako umeen gurasoek egindako jolasak

Erlazionatutako edukiaARGAZKI GALERIA: Amorotoko San Martin jaiak 2018