Hamalau traineruk parte hartuko dute Mutrikuko II. Yurrita Group banderan
Zapatuan [uztailak 7], 17:00etan hasita, KAE2 ligako hirugarren traineru estropada puntuagarria jokatuko da Mutrikuko estropada eremuan. Antolatzaileek adierazi dutenez, hamalau traineruk parte hartuko du II. Yurrita Group bandera lortzeko lehian.
Estropada hiru txandatan banatuta jokatuko da, eta traineru bakoitzak 3 itsas milia egin beharko ditu arraunean.
Lehen txandan sei ontzi uretaratuko dira: Colindres, Castreña, Laredo, Lutxana, Elantxobe eta Sanpedrotarra. Bigarren txandan, berriz, Mutriku, Bermeo, Hondarribia eta Santoña ariko dira nor baino nor arinago. Azken txandan, Donostiarra, Orio, Valle de Camargo eta Getxo uretaratuko dira.
Domekan [uztailak 8], bestalde, KAE2 ligako hurrengo jardunaldia jokatuko da Donostian. Hamalau traineruk parte hartuko dute IX. Donostiarra Kaiarriba banderan, eta horien artean izango dira Mutrikuko trainerua.
Zapatuan, berriz, KAE1 ligako 33. Zumaiako ikurrina lehiatu dute hamabi traineruk, horien artean izango da Lekeitioko trainerua. Zapatuan eta domekan, ostera, Eusko Label Ligako bi jardunaldi jokatuko dira Coruñan (Galizia). Ondarroako traineruak bertan parte hartuko du.
