Brahim Elasrik eta Samira Ahbouchek irabazi dute Markina-Xemeingo Herri Krosa

2018/07/07

Erakustaldia eman dute gaur [uztailak 7] Brahim Elasri getxoztarrak eta Samira Ahbouche zornotzarrak Markina-Xemeinen. 25.05 denboragaz amaitu du 7,8 kilometroko proba Elasrik. Berango Atletismo Taldeko atleta bakarrik heldu da helmugara bigarrenari alde handia aterata. Ibilbidea 29.10 denboran osatu du berriz, Ahbouchek, eta ia minutu bi atera dizkio bigarren helmugaratu den Cristina Villalobos Santos elgoibartarrari (30.54). Villalobos beteranoen artean lehenengoa izan da.

Herri Kroseko korrikalariak irteeran.

Txomin Garañon Gorospek (25.29) eta Paisano Younnes Asselik (25.43) osatu dute gizonezkoen podiuma, hirugarren emakumea, berriz, Inmaculada Ruiz Teran (31.44) gernikarra izan da, betarnoetan bigarrena.

[zuzenean ARGAZKI GALERIA IKUSI]

Herritarren artean lehenengoak Aitor Goti Elordi (27.38) eta Lide Azkue Iruretagoiena (34.16) izan dira. Beteranoen mailan hirugarren postua lortu dute biek. Beteranoetan laugarren gelditu da Pedro Mari Arriola Arakistain (28.11) ; Gazte mailan, berriz, bigarren egin du Jonan Bilbao Omaetxebarria (27.54) Markina-xemeindarrak eta hirugarren sailkatu da Antxon Aranbarri Gutierrez (43.00).

[HERRI KROSEKO SAILKAPEN OSOA]

73 korrikalarik parte hartu dute aurten Markina-Xemeingo Atletismo Taldeak eta Bekobenta Eskolak antolatutako Atletismo Eguneko Herri Krosean. Nagusiak, baina, ez dira izan Atletismo Egunaren protagonista bakarrak, txupete, benjamin, alebin eta infantin mailetako 94 atletak parte hartu dute Zelaian egin diren 60 metro, 600 metro, 900 metro, errelebo eta pisu jaurtiketa probetan, eta herrian zehar lehiatu den kros txikian. Bizkor ibili dira txikiak eta etorkizuna badagoela erakutsi dute.

Txupete mailan lehiatu duten umeetako batzuk diplomak hartuta.

Txupete mailakoek oparia eta diploma lortu dituzte egindako ahaleginaren sari modura. Benjamin mailatik aurrera garaikurrak eduki dituzte irabazleek. Hauek izan dira sailkapenak: Benjaminak 60 metro