Arropa eta zapata bilketa egingo du Markina-Xemeingo Caritasek aste honetan
Markina-Xemeingo Caritasek arropa eta zapata batzea egingo du aste honetan. Eguenean [uztailak 19] eta barikuan [uztailak 20] hartuko dituzte arropa eta zapata poltsak Elizetxeko geletan; 17:00etatik 19:00etara. Betiko moduan, arropa eta zapatak egoera onean eta ondo zarratutako poltsetan eramatea eskatu dute Caritaseko kideek.
Arropak eta zapatak Caritas eta Rezikletaren artean sortu den erropa eta zapaten tratamendu eta berziklapenerako kooperatibara bideratuko dituzte. “Egitasmo honek eratu duen arropa eta zapaten tratamentu eta berziklapenerako kooperatibaren bidez 30 lanpostu sortu dira langabetuentzat eta 250 pertsonei laguntzen zaie”, azaldu dute.
