Ingelesez ere bisitatu daiteke Markina-Xemeingo webgune turistikoa
Orain arte euskaraz eta gazteleraz eskaini diren edukiak ingelesez ere eskainiko ditu aurrerantzean Markina-Xemeingo turismora bideratutako mxturismoa.eus webguneak.
Atzerritik datozen bisitarien artean asko erabiltzen den hizkuntza izanik, Turismo Mahaiak ezinbestekotzat jo du bisitariei bideratutako informazioa ingelesez ere eskaintzea. Are gehiago: aurrera begira, laugarren hizkuntza bat txertatzeko aukera aztertzen ari da webgunean lanean ari den taldea. Hizkuntza hori aukeratzeko orduan, Markina-Xemein bisitatzen dutenen jatorri ohikoenak izango dira kontuan. Bide beretik, webgunean euskara balorean jarri eta bisitaria euskarak duen garrantziaz jabetu arazteko gogoeta ere egiten ari dira.
Datu onak. Hiru hilabete darama martxan mxturismoa.eus webguneak eta bisita asko izaten ari dela jakitera eman dute Turismo Mahaiko kideek. “Bisitariek, gainera, denbora egiten dute orria ikusten eta beraz, datuak onak dira”.
Hizkuntzekin egin duten modura, beste atal batzuk ere eguneratzen jarraitzeko asmoa azaldu du Turismo Mahaiak. Alde batetik merkatal zerbitzuak gehitzen joango direla zehaztu dute, eta bestalde, erromesentzako bideo bat ere prestatzen ari dira, “aterpetxera arte dagoen bide ofiziala zein den erakusteko”.
Txikiak ere kontuan hartu dituzte, eta haiei begirako planoa ere igoko dute webgunera.
Datu onak. Hiru hilabete darama martxan mxturismoa.eus webguneak eta bisita asko izaten ari dela jakitera eman dute Turismo Mahaiko kideek. “Bisitariek, gainera, denbora egiten dute orria ikusten eta beraz, datuak onak dira”.
Hizkuntzekin egin duten modura, beste atal batzuk ere eguneratzen jarraitzeko asmoa azaldu du Turismo Mahaiak. Alde batetik merkatal zerbitzuak gehitzen joango direla zehaztu dute, eta bestalde, erromesentzako bideo bat ere prestatzen ari dira, “aterpetxera arte dagoen bide ofiziala zein den erakusteko”.
Txikiak ere kontuan hartu dituzte, eta haiei begirako planoa ere igoko dute webgunera. 
