Bizkaiko Bertsolari Txapelketaren azken kanporaketa Berriatuan lehiatuko dute
2018ko Bizkaiko Bertsolari Txapelketaren lehenengo kanporaketa Gernika-Lumon lehiatuko dute, urriaren 6an. Lizeo Antzokian. 17:00etan hasiko da saioa. Bosgarren eta azken kanporaketa azaroaren 4an izango da, Berriatuko Mendibarren frontoian (17:00).
Txapelketako udazkeneko fasean bederazi bertso saio egingo dituzte, hiru fasetan banatuta: kanporaketak, finalaurrekoak eta finala. Hain zuzen, abenduaren 15ean lehiatuko dute finala, Bilbon.
Udazkeneko fasea bost kanporaketagaz hasiko da. Saio bakoitzean seina bertsolari egongo dira; Udabarriko Fasetik sailkatutako 29 bertsolariak eta Oihana Bartra (2014ko txapelketaren finalista izategatik). Aipatu 29 bertsolarien artean daude, Josune Aramendi Perez markina-xemeindarra eta Lander Ibarluzea Bikandi etxebarritarra. Biek ala biek etxean lehiatuko dute kanporaketa. Izan ere, Berriatuako saioan ariko dira, Ibai Amillategi Omaetxebarria gernikarragaz, Asier Alcedo Cano portugaletearragaz, Itxaso Paia Ruiz algortarragaz eta Oihana Bartra Arenas bilbotarragaz batera.
Ondoren, hiru finalaurreko lehiatuko dituzte, eta, azkena, Lekeitioko Santi Brouard kiroldegian jokatuko da abenduaren 1ean, 17:00etan. Azaldu dutenez, seina bertsolari ariko dira bakoitzean. Bost kanporaketen irabazleak zuzenean sailkatuko dira finalerdietara, eta horiekin batera, beste bost bertsolari puntuazioaren arabera sailkatuko dira. Era berean, 2016ko txapelketaren zortzi bertsolari finalistak ere fase honetan sartuko dira lehian, zortzikote horretan daude Nerea Ibarzabal Salegi markina-xemeindarra eta Xabat Galletebeitia Abaroa lekeitiarra. Finalaurrekoetako hiru irabazleak zuzenean sailkatuko dira abenduaren 15eko finalera, eta gainontzeko bost bertsolari finalistak puntuazioaren arabera sailkatutakoak izango dira.
Sarrerak. Kanporaketetarako sarrerak salgai daude dagoeneko www.bertsosarrerak.eus atarian. Saioetako egunetan txarteldegietan ere eskuratu ahalko dira, 16:00etatik aurrera. Halaber, aurten ere saio guztietarako bonoa egongo da eskuragai. Bonoak kanporaketa eta finalaurreko guztietarako balioko du; finalerako, ostera, ez.
2018ko Bizkaiko Bertsolari Txapelketarako aukeratu duten irudia baso koloretsu bat da. Mezua, berriz, Maite Berriozabal Berrizbeitia berriztarrak egin du. Berriozabalek urteak daramatza gai jartzaile taldean, “ekosistemako enbor sendo batean”.
KANPORAKETAK:
–URRIAK 6 (GERNIKA-LUMO)
Gaur goizean Bilbon aurkeztu dute txapelketa.
Argazkia: Bizkaiko Bertsozale Elkartea.
- Asier Galarza Garai (Muxika)
- Garikoitz Sarriugarte Onaindia (Zaldibar)
- Imanol Uria Albizuri (Algorta)
- Ion Berrocal Besga (Trapagaran)
- Julen Erezuma Arzanegi (Gernika-Lumo)
- Paule Ixiar Loizaga Legarra (Sopela)
- Arrate Illaro Etxebarria (Getxo)
- Ekaitz Larrazabal Gutierrez (Algorta)
- Eneko Abasolo Txabarri (Iurreta)
- Imanol Arrutia Azkueta (Artzentales)
- Iñaki Iturriotz Zuluaga (Igorre)
- Malen Amenabar Larrañaga (Larrabetzu)
- Aitor Esteban Etxebarria (Urduliz)
- Ander Elortegi Garatea (Natxitua)
- Ander Uzelai Aristi (Artzentales)
- Inazio Vidal Gurrutxaga (Leioa)
- Txaber Altube Sarrionaindia (Abadiño)
- Unai Mendiburu Valor (Algorta)
- Aitor Bizkarra Ruiz (Abadiño)
- Arkaitz Zipitria Mendizabal (Arrigorriaga)
- Gorka Pagonabarraga Agorria (Durango)
- Julen Ibarguengoitia Ordorika (Gernika-Lumo)
- Peio Ormazabal Villanueva (Arrigorriaga)
- Peru Vidal Gurrutxaga (Leioa)
- Asier Alcedo Cano (Portugalete)
- Ibai Amillategi Omaetxebarria (Gernika-Lumo)
- Itxaso Paia Ruiz (Algorta)
- Josune Aramendi Perez (Markina-Xemein)
- Lander Ibarluzea Bikandi (Etxebarria)
- Oihana Bartra Arenas (Bilbo)
