Ate joka datoz Mutrikuko Mijoa auzoko San Jeronimo jaiak
Jai giro ezinhobea izango da protagonista asteburuan Mutrikuko Mijoa auzoan. San Jeronimo auzoko jai batzordekoek urteroko ekintzak oinarri hartuta osatu dute aurtengo egitaraua.
Jaietako egun handia domekan [irailak 30] baldin bada ere, zapatua [irailak 29] berezia izango da bertan bizi direnentzat. Jai giroaren txinparta pizten hasiko dira bezperatik, eta auzotarrek bazkaritan batzeko tartea izango dute giro berezian. “Bazkaria, normalean, domekaz egin ohi izan dugu, baina aurten jai egun nagusia domekan denez, egun bat aurreratu dugu auzotarren bazkaria” . Zapatuko proposamenak, berriz, Joxpa taldearen erromeriarekin amaituko dituzte.
San Jeronimo egunari dagokionez, inguruko herrietakoek eta auzotarrek asko estimatzen duten eguna izaten da. Urteroko hitzorduari hutsik egin gabe auzoko ermitan batuko direnak ere asko izango dira. Elizkizuna bukatu ondoren Ilunbe baserriaren aurreko plazan geratzen direnek auzokoen arteko herri kirol erronka ikusteko aukera paregabea izango dute. Harri jasotzen, txokor batzen, txinga eramaten, trontzan, ingude altxatzen… ariko dira nor baino nor hobeto, eta aurten, gainera, aitzur jaurtiketa egingo dute estreinako.
Umeek ere eurentzako txokoa izango dute jaietan. Domeka goizean puzgarrietan saltoka ibiltzeko aukera izango dute, eta, arraltsaldean, berriz, Ibiri baserriko animaliekin jolastuko dute ausartenek.
EGITARAUA
Irailak 29, zapatua
Mutrikuko Mijoako auzotarrak, jaiak ospatzen. Argazkia: San Jeronimoko Jai Batzordea
- Eguerdian. Auzo bazkaria.
- 20:00. Erromeria Joxpa taldearekin.
- 11:00. Meza San Jeronimoko ermitan.
- Ondoren. Auzokoen arteko herri kirol saioa.
- Goiz osoan. Puzgarriak umeentzat.
- 17:00. Hipo eta Tomax pailazoak.
- 18:30. Ibiri bere abereekin.
- 20:30. Zozketa.
