Jose Mari Etxaburu 'Kankilloi' omendu dute Ondarroan
Mendi Eskola Kirolak eta Bizkaiko Foru Aldundiak Jose Mari Etxaburu Maruri Kankilloi mendizaleari “merezitako omenaldia” egin diote. Aurrera Mendi Taldeagaz eta herriko hainbat taldegaz mendi irteeretan laguntzaile izan denak domekan [urriak 7] jaso zuen oroigarria, esker onez, Zaldupe Eskolako jolastokian.
Hain zuzen ere, urtero aldundiak antolatzen duen Mendi Eskola programaren hasiera Ondarroan egin zen domekan, eta ekimen horren barruan egin zioten omenaldia mendizale ondarrutarrari. Bizkai osotik etorritako 400 bat gaztetxo batu ziren Ondarroan, eta Tontorramendira joan-etorria egin zuten.
Zaldupe ikastetxeak ere Kankilloiri eskerrak eman eta zoriondu nahi izan du. “Bihotz bihotzez, eskertu nahi dizugu urte hauetan gurekin partekatu duzun guztia”.
Kankilloi oroigarria eskuan. Argazkia: Zaldupe Eskola
