Iaz egin modura, aurten ere Lekeition batu dira Lea-Artibaiko nagusien elkarteetako kideak; aurten 65 herritarrek parte hartu dute txangoan. Irteera bateratua urtero egiten dutela argitu dute. “Duela urte batzuk beti Lea Ibilbidean egiten genuen txangoa, eta gero kopaua herri baten edo bestean jan. Beste urte baten Berriatua-Ondarroa bidea egin genuen, eta gero Ondarroan kopaua jan. Iaz, baina, Lekeition egin genuen, eta jendeari asko gustatu zitzaiola eta, aurten ere han egin dugu”, azaldu du Maite Zabala taldeko lehendakariak.
Autobus geltokian batu eta saihesbidetik itsasargira arteko bidea egin zuten. Santa Katalinako pasealekutik Talaraino joan ziren, eta handik Lekeitioko jubilatuen elkartearen lokalera. “Han kopaua egin genuen”.
Eguraldia lagun, irteeran parte hartu zuten guztiak “gustura” geratu zirela esan du Zabalak. “Amankomunean daukagun dirua erabiliz ordaintzen dugu kopaua”. Oro har, irteera polita izaten dela esan du, eta datozen urteetan ere irteera egiten jarraituko dutela aurreratu du.
Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
