Azken Skin Dantza kontzertu jardunaldia, Ondarroako Gaztetxean
Azken Skin Dantza izenburupean, hainbat talde ondarrutarren kontzertuak ikusteko aukera egongo da barikuan [urriak 19], 20:00etan hasita, Ondarroako Gaztetxean.
Kontzertuak doan izango dira, eta ondoko taldeek parte hartuko dute: The Oiers, Gorrotun Hazixak!, Ardi Baltzak eta DJ Txerkei.
Ondarroako Gazte Asanbladako kideek aurreratu dutenez, The Oiers taldea izango da gaztetxeko taula gainera igoko den lehen taldea. Atzetik joko dute Gorrotun Hazixak! eta Ardi Batzak taldeek. Jardunaldi musikalarekin amaitzeko DJaren saioa egongo da.
Iluntzean hasita, beraz, kontzertuak goizaldera arte luzatuko dira. Eta herritarrei hara joateko gonbitea egin diete.
