Katixa Agirre Ondarroako XVI. Augustin Zubikarai bekaren irabazleak 'Amek ez dute' eleberria aurkeztu du
Katixa Agirre idazle gasteiztarrak Amek ez dute bigarren eleberria aurkeztu du gaur [urriak 24] goizean Bilbon. Lana, hain zuzen ere, Ondarroako Udalak eta Elkar argitaletxeak elkarlanean antolatu zuten 2016. urte Augustin Zubikarai bekari esker idatzi ahal du. Agirregaz batera aurkezpenean izan dira Eneritz Basurko Ondarroako alkateordea eta Xabier Mendigure Elkar argitaletxeko editorea.
Idazle gasteiztarrak amatasunari buruzko gogoeta egin du azken lanean, eta kezka pertsonal eta sozialetan oinarritu da eleberria idazteko. Nobelan irrikaz irensten den fikzioa eraiki du, eta aldi berean, gogoran luzaroan geratzen diren hausnarketekin aberastu du.
Ondarroako alkateordeak joan den astean Xabier Etxeberriaren aurkezpenean egin modura, ondorengoa azpimarratu du: “Beka hau garrantzitsua da guretzat euskal sortzaileak laguntzen dituelako eta euskal kultura eta literatura sustatzen dituelako. Ondarroako Udala udal txikia izanik, esfortzu handia da guretzat honelako sari bat sustatzea, baina esfortzuak merezi duela uste dugu, eta aurrera begira ere jarraituko dugu”.
Amek ez dute liburuaren aurkezpena, gaur, Bilbon. Ezkerretik eskumara: Eneritz Basurko, Katixa Agirre eta Xabier Mendiguren. Argazkia: Elkar
