Lea Ibarrako egutegi lehiaketara lanak aurkezteko epea amaitzear da
Urriaren 31ra arte (eguaztena) aurkeztu daitezke lanak. Lehiaketan parte hartu nahi dutenek, Lea Ibarreko Udal Mankomunazgoan edo berau osatzen duten udaletxeetan utzi behar dituzte proposamenak, 09:00etatik 14:00etarako ordutegian.
Irabazlearen irudiagaz egingo dute 2019ko egutegiaren azala, eta sari modura 500 euro jasoko du. Hala ere, jakitera eman dutenez, epaimahaiak saria eman gabe utzi dezake.
Lea Ibarreko Udal Mankomunazgoak antolatzen duen lehiaketa honetarako zenbait baldintza bete behar dira. Argazki, marrazki edo ordenagailuz diseinatutako edozein lan aurkeztu ahal dira. Betiko modura, Lea Ibarra da gaia, eta LEA IBARRA-2019 testua agertu behar da igorritako proposamenean.
Lanak zelan aurkeztu. Parte hartzeko bi gutun aurkeztu behar dira. Batean egindako lana egon behar da, eta bestean, ostera, egilearen datuak: izen-abizenak, helbidea, telefono zenbakia eta posta elektronikoaren helbidea.
