Babes Zibilerako Batzordeak Ondarroako Larrialdietarako Plana eguneratzearen aldeko txostena egin du
Bizkai, Gipuzkoa eta Arabako Babes Zibilerako Batzordeak Bizkaiako eta Gipuzkoako hainbat herritako Udal Larrialdietarako Planak eguneratzearen aldeko txostena egin du. Guztira, hamar herritako Udal Larrialdietarako Planak eguneratu dituzte; Ondarroa, Barakaldo, Santurtzi, Ermua eta Galdakao Bizkaian eta Arrasate, Azkoitia, Pasaia, Urretxu eta Oiartzun Gipuzkoan.
Josu Zubiaga segurtasuneko sailburuordeak adierazi dutenez, hamar udalek jada badituzte egon litezkeen arriskuei eta kasu bakoitzean erabilgarri dauden bitartekoei dagokienez, jarduteko protokoloak jasotzen dituzten dokumentu eguneratuak. Planak honako erakunderen arteko lankidetzan egin dituzte: Eusko Jaurlaritzako Segurtasun Saila, Osasun Saila, Ekonomiaren Garapen eta Azpiegitura Saila, Ingurumen, Lurralde Plangintza eta Etxebizitza Saila, Lehendakaritza, hiru foru aldundiak eta Eudel.
