Josten eta plantxatzen ikasteko ikastaroa emango dute Mutrikun
Mutrikuko Udalak antolatuta, Zabiel Eskulan Taldeak emango du ikastaroa, eta urtarrilean eta otsailean izango da. Interesatuek, baina, azaroaren 12tik abenduaren 14ra bitartean izena eman behar dute; udaletxeko sarreran egongo den eskaera orria bete beharko dute.
Astean bi saio izango badira ere, ikastaroa zein egunetan eta zein ordutan eman izena ematen dutenen artean adostuko dutela esan dute.
Gogorarazi dutenez, ikastaroa, bereziki, gizonei zuzenduta dago, eta gehienez ere 10 pertsonako taldea osatuko da.
