Ondarroako Yaalah elkarteak elkartasun zozketako zenbaki sarituak ezagutura eman ditu
Ondarroako Yaalah elkarteko kideek Sahararen aldeko elkartasun zozketa egin zuten zapatu [azaroak 16] eguerdian Alamedan. “Zozketa honetan atera den diru guztia azaroaren 30ean Tindufeko saharar errefuxiatuen kanpalekuetara doazen herritarrak Bir Ganduz 2018 proiektua burutzeko izango da. Eskerrik asko zozketan parte hartu duzuen guztioi”.
Guztira, sei gauza zozkatu zituzten. Arraun elkarteko ekipazioaren zenbaki saritua 0255 da, eta ordezkoa 1628. Iñigo Martinezek sinatutako Athleticeko kamisetaren zenbaki irabazlea, berriz, 0373 da, eta ordezkoa 0166. Asier Illarramendik sinatutako Real Sociedadeko kamisetaren zenbaki saritua 0246 da, eta ordezkoa 1184. Aurrerako kamiseta, berriz, 1992 zenbakia duenarentzat izango da (ordezkoa 0023). 1702 zenbaki duenak San Mameserako bi sarrera jasoko ditu (1901 ordezkoa). Anoetarako zenbaki saritua 1715 da, eta ordezkoa 0114.
Yaalah elkarteko kideak zapatuan, Alamedan. Argazkia: Yaalah
Saritua izan den zenbakiaren jabeak zozketa egunetik hilabeteko epea izango du elkartearekin harremanetan jartzeko, 628 986 839 telefono zenbakira deituta edo yaalahelkartea@gmail.com helbidera idatzita. Epe horretan zenbaki saritua daukan txartelaren jabea agertzen ez bada, ordezko zenbakiarentzat izango da saria.
