V. Buruz Buruko Pala Txapelketa jokatuko da Barinagan

2018/12/13

Barinagako frontoi txikiko V. Buruz Buruko Pala Txapelketa antolatu du aurten ere Barinagako Jai Batzordeak. Parte hartzaileak abenduaren 17an hasiko dira lehen palakadak ematen eta finala urtarrilaren 18an jokatuko da. Lehenengo laurentzat egongo dira sariak:

Txapela eta 80 euro
50 euro eta pala bat
30 euro eta pelota kaxa
Santamañeko gazta bat

Parte hartu nahi dutenek zapatura arte [abenduak 15] daukate izena emateko aukera Baskaran estankoan. Izen emotea 10 eurokoa da. Jokatzeko ordutegi aldetik erraztasunak egoten direla azpimarratu dute antolatzaileek parte hartzera animatuz. Bestalde, urtarrilaren 19an lehiatuko den Kalamua Barinaga jaitsierarako izena emateko epea domekan [abenduak 16] zabalduko dutela aurreratu dute Barinagako Jai Batzordekoek. Urtarrilaren 16ra arte egongo da izena emateko aukera Herrikrosaren web orrian.