29. Ondarroa Sarian parte hartu duten igerilari gehienek markak hobetu dituzte
Ondarru Igeri Taldeak antolatuta, igeriketako 29. Ondarroa Saria jokatu dute asteburuan. Parte hartzaileek pozik eta gustura amaitu dute, eta gehienek markak hobetu dituzte
Igerilariak uretara salto egiten, Zaldupeko igerilekuan. Argazkia: Ondarru Igeri Taldea Ondarru Igeri Taldeak antolatuta, igeriketako 29. Ondarroa Saria jokatu zuten Zaldupe udal kiroldegiko igerilekuan zapatuan [urtarrilak 19]. Berez, Ondarroa, Markina-Xemein, Igorre eta Zallako igeri taldeetako kideek parte hartu behar zuten proban, baina, azkenean, Igorrekoek ezin izan zuten parte hartu. “Asko gaixorik zeuden, eta horregatik ez ziren etorri”. Denetara, 110 lagun inguru batu ziren.
Antolatzaileek adierazi dutenez, parte hartzaileek pozik eta gustura amaitu zuten proba. Eta markei dagokienez, gehienek markak hobetzeko aukera eduki zuten. Askok, gainera, Bizkaiko txapelketan parte hartu ahal izateko gutxieneko denborak ere lortu zituzten.
Arratsaldean, berriz, Ondarroa igeri eskolako gazteenek erakustaldia eskaini zuten haien hurrekoen gozamenerako; LH1 eta 2ko 40 batek egin zutenerakusketa. Haur bakoitzak luze bat egin zuen crawl estiloan eta beste bat bizkar estiloan.
Ondarru igeri taldeko kideak, Zaldupen. Argazkia: Ondarru Igeri Taldea
