Zabalik dago Mutrikuko Euskal Erromerirako Egunerako izen ematea
Hasiberriek eta errepaso eskoletara joateko asmoa dutenek eguaztena [apirilak 3] aurretik eman beharko dute izena.
Dantzariak iazko euskal erromerian dantzan Mutrikuko Gure Ametsa dantza taldeak antolatuta Euskal Erromeria Eguna egingo dute maiatzaren 25ean, eta horren harira, urteroko euskal dantza ikastaroa antolatu dute. Hasiberriek eta errepaso eskoletara joateko asmoa dutenek aldez aurretik izena eman beharko dute Apartak ileapaindegira hurreratuta edo gureametsa2015@gmail.com helbide elektronikora mezu bat idatzita. Izena emateko azken eguna eguaztena [apirilak 3] izango dela gogorarazi dute.
Ikastaroa, berriz, egunean [apirilak 4] hasiko da. Hitzordua dantza taldeak osasun etxe zaharreko eraikinean duen lokalean ipini dute, 20:00etan. Entseguak, eguenero egingo dituzte ordu eta leku berean.
Hori bai, jende kopuru nahikoak izena ematen ez badu Erromeri Eguna arriskuan egon daitekeela iragarri dute Gure Ametsa dantza taldeko kideek. “Jende gutxi batzen bagara ez dugu egingo. Hori bai, ikastaroa agindu modura egingo dugu”.
