Beitia puntista mutrikuarrak 5.000 kiniela irabazi ditu
Duela zazpi urte Xabier Lopetegi Arregi-k Danian bertan ezarritako marka berdintzea lortu du Asier Elezgarai 'Beitia' mutrikuarrak.
Asier Elezgarai, Beitia puntista. Argazkia: Jai Alai Oso puntista gutxik lortu duten marka gainditu du berri du Asier Elezgarai Beitia (Mutriku, 1972) puntista beteranoak. Zehatz esanda, 5.000 kiniela irabazi ditu Dania (Florida, AEB) Jai Alaiko pilotalekuan. Duela zazpi urte Xabier Lopetegi Arregi-k Danian bertan ezarritako marka berdintzea lortu du mutrikuarrak.
Marka ezartzeko azken kiniela Berriatuko Ibon Aldazabal puntistarekin jokatu zuen, eta berezia izan zela nabarmendu du. “Lehenengo bueltan ez genuen tantorik egin, eta bigarrenean lau tanto egin genituen jarraian, eta kiniela guretzat”.
Asier Elezgarai, Beitia puntista. Argazkia: Jai Alai
Puntista mutrikuarrak 27 urte daramatza profesional modura jokatzen, eta hasierako hilabete batzuk kenduta, beti Daniako pilotalekuan erakutsi du bere jokoa. Debuta Tijuanako (Mexiko) pilotalekuan egin zuen, 1992an. Urte berean Daniara joan zen jokatzera, eta harrez geroztik Daniako koadroan jarraitzen du. Munduko abiadura errekorra ere badu, tomateak botatzen.
“Arranke” handiko pilotaria izan da beti, eta profesional modura urte asko badaramatza ere ezaugarri horri eusten dio. Adinarekin kinielak irabaztea askoz gehiago kostatzen zaiola ere nabarmendu du. “Gorputza ere geldoago igartzen duzu, eta gazteen aurka lehiatzea gehiago kostatzen zaizu”.
