Gatibuk grabaketa bat egingo du eguenean Ondarroan
Musika taldeak sare sozialen jakinarazi du zerbait berezia prestatzen ari direla. 16 urtetik gorako herritarrei parte hartzeko gonbitea egin diete.
Gatibu taldeak jakitera eman duenez, eguen arratsaldean [urtarrilak 16] grabaketa bat egingo dute Ondarroan. “Oso berezia den zerbait prestatzen ari gara eguen honetarako, urtarrilak 16, arratsaldez Ondarroan. Irudiak grabatuko ditugu, eta gurekin batera parte hartzea nahi dugu”.
Hala, 16 urtetik gorako herritar guztiei parte hartzeko gonbitea egin die taldeak. Interesatuei sare sozialen bidez haiekin harremanetan jartzeko eskatu diete. “Informazio gehiago nahi izanez gero, bidali mezu bat zuen helbide elektronikoarekin eta izen abizenekin”.
