Azken orduko aldaketak izango ditu Beteranoen trinketeko txapelketak
Jokalari batzuk ondoezik dagozela-eta aldaketak egongo direla jakitera eman dute antolatzaileek. Finalaurreetako bat atzeratu dute.
Iban eta Eñaut Gandiaga anaiak, Izarra epailea, Madariaga eta Urkiaga. Argazkia: Julian Arrate Lekeitioko trinketean jokatzen ari den Beteranoen Eskuz Binakako Txapelketako jokalari batzuk ondoezik dagozela-eta aldaketak egongo direla jakitera eman dute antolatzaileek.
Biharko [otsailak 28] iragarrita zegoen finalurrekoetarako berdinketa hauste partidak ez du aldaketarik izango. Horrela, 19:00etan, Astigarraga-Pradera eta Madariaga-Urkiaga bikoteen arteko berdinketa haustea jokatuko da, finalaurrekoetara zein bikote igarotzen den erabakitzeko.
Domekarako [martxoak 1] iragarrita zeuden finalaurrekoetako bat bertan behera geratu da, eta beraz, bakarra jokatuko da. Horrela, finalaurrekoetako lehen kanporaketa 10:00etan jokatuko dute Gandiaga anaiek biharko berdinketa hauste partiduko irabazleen kontra. Bigarren finalaurrekoa berriz, datorren aste erdirantz jokatu ahal izatea aurreikusten dute txapelketaren antolatzaileek. “Aste hasieran zehaztuko dugu eguna eta ordua”. Bigarren finalaurreko horretan aurkituko dira aurrez aurre Martin-Foster eta Beraza-Telleria bikoteak.
