Mutrikuko Udalak bideoklip bat grabatzea proposatu die herritarrei
Mutrikuko 25. Berdel Eguna koronabirusaren osasun alarma egoeragatik bertan behera geratu denez, 'Ai Malen, Andre Madalen' abesti herrikoiaren bideokliparekin alaitu nahi dute eguna. Horretarako, herritarren laguntza eskatu dute.
Koronabirusaren aurrean ezarritako konfinamendu neurriak egitasmo ugari sortzea ekarri du. Mutrikuko Udalak, esaterako, etxean egon beharreko orduak entretenigarriagok egiteko asmoz proposamen berezia luzatu diete herritarrei sare sozialen bitartez: bideoklip bat grabatzea proposatu die, alegia. Zeregin horretarako Ai Malen, Andre Madalen abesti herrikoia aukeratu dute. “Grabatu bideo bat Ai Malen, Andre Madalen!!! abestirarekin. Lanean, etxean, bakarrik, txikiekin… mozorrotuta edo nahi duzuen bezala”.
Udalaren asmoa erronkan parte hartu nahi duten herritarrek bakoitzak bere etxetik bideokliparen zati bat grabatu beharko dute. Bideoak jaso, eta zatiak aukeratu ondoren, zapatuan [apirilak 4] zabaltzeko asmoa duten bideoklipa osatuko dute. “Aurten Berdel Eguna egongo ez denez, Malenetara begira jarri nahi ditugu herritarrak kantu herrikoi honen bidez. Berdel Eguna, egia esan, ezin dugu ordezkatu, baina egitasmo honekin beste kolore bat eman nahi diogu egunari”.
Bideoklipean parte hartzeko asmoa dutenek erronkara batzeko modu oso erraza dute. Horizontalean grabatutako bideoak komunikazioa@mutriku.net helbide elektronikora edo 629 71 15 72 telefono zenbakira bidali beharko dira Whatsapp bidez. Bideoak horizontalean grabatzeko eskatu dute, eta horiek barikurako [apirilak 3] bidaliko beharko dira.
