COVID-19aren kasu berri bat baieztatu dute Markina-Xemeinen
Guztira, Lea-Artibain eta Mutrikun 34 kasu positibo daude erregistratuta; Markina-Xemeinen daude kasu positibo gehienak (12). Bizkai, Gipuzkoa eta Araban 182 kasu positibo gehiago erregistratu dituzte. Ospitaleratuta daudenen kopuruak jaisten jarraitzen du.
Sanchez, gaurko agerraldian. Argazkia: Irekia. Eusko Jaurlaritzak gaur [apirilak 6] eguerdiko agerraldian emandako datuen arabera, 34 kasu positibo zenbatu dituzte Lea-Artibain eta Mutrikun. Azken 24 orduetan Markina-Xemeinen kasu berri bat erregistratu dute; 12 kasu positibo daude erregistratuta. Eskualdea mailan kasu gehien erregistratu diren herria da. Gainerako herrietako datuak ez dira aldatu azken orduetan.
- Markina-Xemein: 12 positibo (1 gehiago azken 24 orduetan)
- Mutriku: 7 positibo (aurreko eguneko datu bera)
- Lekeitio: 6 positibo (aurreko eguneko datu bera)
- Ondarroa: 5 positibo (aurreko eguneko datu bera)
- Etxebarria: 2 positibo (aurreko eguneko datu bera)
- Mendexa: 1 positibo (aurreko eguneko datu bera)
- Berriatua: 1 positibo (aurreko eguneko datu bera)
Bizkai, Gipuzkoa eta Araban, modu apalagoan bada ere, goraka doa zenbatutako positiboen kopurua. 8.810 zenbatu dituzte guztira; hau da, atzotik 182 gehiago erregistratu dituzte. Hiru lurraldeetan ospitaleratuta daudenak 1.756 dira (atzo baino 1 gutxiago). Hiru lurraldeetan 548 dira hildakoak. Azterketa lurraldeka eginez gero, ondokoak dira datuak:
- Araba: 2.675 positibo (36 gehiago azken 24 orduetan) / 277 ospitaleratuta/201 hildakoak (+7)
- Bizkaia: 4.603 positibo (114 gehiago azken 24 orduetan) / 1.134 ospitaleratuta/ 266 hildakoak (+24)
- Gipuzkoa: 1.532 positibo (32 gehiago azken 24 orduetan) / 345 ospitaleratuta/ 81 hildakoak (+2)
Mikel Sanchez Planifikazio, Antolamendu eta Ebaluazio zuzendariak gaurko agerraldian esan duenez, test gehiago egingo dituzte Lehen Mailako Arreta eremuan. Agertu duenez, 22.637 proba egin dituzte oraingoz. Atzo egindako 738 probatik %71k negatibo eman zuen.
