LH 5 eta 6ko ikasleei zuzendutako material berria sortu du Ondarroako Hezkidetza Egitasmoak
Ondarroako emakumeen eta mugimendu feministaren oroimenean oinarritutako jolasa ere sortu dute. Jokoa 6. mailakoei zuzenduta badago ere, nahi duen guztiak parte hartu dezakeela aurreratu dute.
Ondarroako Udalaren Hezkidetzako Egitasmoko hezitzaileak material berriak sortzen ibili dira azken asteotan. Besteak beste, LH 5 eta 6 mailetako ikasleentzat komunitatearen eta elkar zaintzaren garrantzian oinarritutako tailer birtual bat sortu dute, talde indarraz berba eginez.
Horrez gain, 6. mailakoei zuzendutako jolasa ere sortu dute, Ondarroako emakumeen eta mugimendu feministaren oroimenean oinarrituta. Jokoa Kahoot deitzen da, eta galdera-erantzunetan oinarrituta dago; parte hartzaileek 21 galdera erantzun behar dituzte. “Herriko emakumeak eta mugimendu feminista oinarri harturik, 6. mailako ikasleei zuzendutako materiala izan arre herritar guztiek gozatzeko eta ikasteko aukera daukate orain”.
Udal iturriek azpimarratu dutenez, egoera berrira egokituz hezkidetzan oinarritutako hezkuntza bultzatzen jarraitzen du Hezkidetza Egitasmoak herriko ikastetxeetan. “Ikas komunitate osoari zuzendutako prestakuntza, ikasgeletako esku-hartzeak, ikastetxeetan hezkidetzaren gaineko aholkularitza espezializatua eta hezkidetza batzordearen kudeaketa eta dinamizazioa egiten jarraitzen dute”.
