Soraya Chavesentzat izan da Mutrikuko 'Herri Botia' zozketako sari nagusia
Hemeretzi saritan banatuta, ia 8.000 euro zozkatu ditu Mutrikuko Udalak. Oraindik zotz egindako sarietako baten jabea falta dela iragarri dute.
Soraya Chaves, Joseba Palenzuelaren eskutik bonuak jasotzen. Mutrikuko Udalak urtarrilaren 8an streaming bidez egin zuen zozketako irabazleei gaur [otsailak 9] banatu dizkiete sariak, udaletxeko aretoan egindako ekitaldi xume batean. Saridunetako batzuk ekitaldian parte hartu dute, eta horien artean egon da Soraya Chaves, sari nagusiaren jabea ere. Kanpainara atxikitu diren saltokietan gastatzeko 3.105 euroko saria (135 euroko 23 bonu) Joseba Palenzuela alkatearen eskutik jaso du.
Santi Iruretagoienak ere alkatearen eskutik jaso du 1.080 euroko (135 euroko 8 bonu) bigarren saria. Beste hainbat zenbaki saridunen jabeek ere eguerdian jaso dituzte dagozkien erosketa bonuak. Alkateak azpimarratu duenez, sarituek urtebeteko epea edukiko dute bonuak erabiltzeko. Amaitzeko, talde argazkia atera dute.
Joseba Palenzuela, erdian, sarituetako batzuekin.
Tokiko merkataritza txikia sustatu eta bultzatzeko asmoarekin antolatu zuen udalak Herri Botia Gabonetako kanpaina berezia. Hemeretzi saritan banatuta, ia 8.000 euro zozkatu dituzte. Irabazleek euren zenbaki sarituekin agertzeko denbora agortu ondoren, zenbaki saritu guztiak ez direla agertu adierazi dute. Zenbait sari ordezko zenbakientzat ere izan direla esan dute, baina oraindik zotz egindako sarietako baten jabea falta dela jakinarazi dute; 76.806 zenbakiaren jabea, hain zuzen.
Honakoak dira zozketaren saridunak:
- Sari nagusia. 3.105 euro (135 euroko 23 bonu): Soraya Chaves.
- Bigarren saria. 1.080 euro (135 euroko 8 bonu): Santi Iruretagoiena.
- Hirugarren saria: 540 euroko bi sari (135 euroko 4 bonu): Ainhoa Basurko eta Josefina Uriunebarrenetxea.
- Laugarren saria: 270 euroko bost sari (135 euroko 2 bonu): Nati Agirregomezkorta, Ana Rosa Landa, Mikel Arrizabalaga, Nerea Iriondo eta Lourdes Ituarte.
- Bosgarren saria: 135 euroko hamar sari (135 euroko bonu bakarra): Juan Ignacio Aranberri, Olalla Urriolabeitia, Maria Arantzazu Odriozola, Eladio Lopez, Alejandro Barruetabeña, Urtzi Iriondo, Xabier Flores, Ane Miren Andres eta Sabin Flores.
