Ondarroa gune gorritik atera da
Azken hiru egunetan 14 kasu gehiago erregistratu dituzte: 6 Ondarroan, 4 Lekeition, 3 Markina-Xemeinen eta 1 Berriatuan. Gaur gaurkoz, Mutriku eta Lea-Artibaiko herriak ez daude gune gorrian. Azken egunetako intzidentzia tasa dela eta, Markina-Xemein gune berdean egotetik gune horian egotera pasatu da.
Ondarroa gune gorrian egotetik gune laranjan egotera pasatu da gaur [otsailak 15]; barikuan sartu zen gune gorrian 513,60ko tasarekin, eta gaur [otsailak 15] 478,58ko tasa edukitzera pasatu da. Hala, gaur gaurkoz, Mutriku eta Lea-Artibaiko herri guztiak gune gorritik kanpo daude.
Markina-Xemein gune berdean sartu zen barikuan 39,80ko tasa zeukalako, baina azken egunetan erregistratutako kasuak direla eta, gune horira pasatu da (99,50ko tasa dauka). Orokorrean, baina, intzidentzia tasa jaisten ari da.
Herriz herriko intzidentzia tasa (eguneratuta):
- Amoroto: 963,86
- Aulesti: 0
- Berriatua: 397,77
- Etxebarria: 536,91
- Gizaburuaga: 500
- Ispaster: 0
- Lekeitio: 401,27
- Markina-Xemein: 99,50
- Mendexa: 211,86
- Munitibar: 218,34
- Mutriku: 150,55
- Ondarroa: 478,58
- Ziortza-Bolibar: 0
Kasu gehiago. Azken hiru egunetan 14 kasu gehiago erregistratu dituzte: 6 Ondarroan, 4 Lekeition, 3 Markina-Xemeinen eta 1 Berriatuan. Eta atzora [otsailak 14] arteko datuak jakinda, joan den aste osoan (otsailak 8-14) Lea-Artibai eta Mutrikun 54 kasu erregistratu zituztela jakin ahal izan da; duela bi aste baino 9 kasu gehiago erregistratu zituzten joan den astean. Hemen herriz herri joan den aste osoan atzemandako kasuak:
- Ondarroa: 27
- Lekeitio: 15
- Mutriku: 4
- Markina-Xemein: 3
- Berriatua: 3
- Amoroto: 1
- Gizaburuaga: 1
- Aulesti: 0
- Etxebarria: 0
- Ispaster: 0
- Mendexa: 0
- Munitibar: 0
- Ziortza-Bolibar: 0
Gogorarazi behar da gaurtik aurrera [otsailak 15] indarrean daudela Labik barikuan [otsailak 12] iragarritako neurri berriak.
