Aldapa berria egin dute Barinagan, iriste erraztasuna hobetzeko
Iturritxu elkartearen kanpokaldean eraiki dute aldapa eta helduleku berria ere jarri dute.
Iturritxi elkartearen aurrekaldean egin duten aldapa. Argazkia: Markina-Xemeingo Udala Markina-Xemeingo Udalak Barinaga auzoko Iturritxu elkartearen iriste erraztasuna hobetzeko lanak amaitu ditu. Aldapa bat egin dute Iturritxu elkartearen kanpoaldean, eta helduleku berria ere jarri dute. “Lan hauei esker, oinezkoen eta mugikortasun arazoak dituztenen sarrera-irteerak erraztuko dira bertan”, azaldu dute.
Udaletik jakitera eman dutenez, lanen kostua 30.510,33 eurokoa izan da, baina Eusko Jaurlaritzako Ekonomiaren Garapen eta Azpiegitura Sailetik 17.448,33 euroko diru-laguntza jaso dute, “EAEko landa eremuak sustatu eta garatzeko diru-laguntzen deialdiaren barruan”. Urre espresak egin ditu lanak. 2020ko aurrekontuan aurreikusitako lanak dira.
