Agur Ondarroako Kalare Deuna kofradiari
Datorren astean amaituko dituzte eraiste lanak. Ostean, materiala bereizi eta eraman egingo dute.
Kalare Deuna kofradiako eraisketa lanak Ondarroako Kalare Deuna arrantzaleen kofradia goitik behera eraisten hasi dira. Orain arte solairuz solairu joan dira materiala ateratzen eta desegiten, eta hormaren bat edo beste ere bota dute. Egunotan, eraikina osorik botatzeko lanekin hasi dira hondeamakinak. Astelehenean [otsailak 22] kofradiaren zati handi bat botatzen hasi ziren, eta gaur [otsailak 25] alderik alde apurtu dute.
Langileek HITZAri jakinarazi diotenez, datorren astean amaituko dituzte lanak. “Botatako material guztia bereizi egingo dugu. Bota ahala bereizten saiatuko gara. Kamioietan jaso eta dagokion lekura bidaliko dugu, eta ahal dena birziklatzera bidaliko da”.
Eraikinean zegoen armarria ere zegoen tokitik berreskuratu egin dute kofradiako langileek. “Zaharberritu eta lonja berrian nonbait ipintzeko asmoa dugu. Pentsako dugu non ipini”.
Kalare Deunako hormatik kentutako armarria.
