Azken hiru egunetan zazpi kasu gehiago erregistratu dituzte Lea-Artibain
Lekeition 6 kasu erregistratu dituzte azken egunetan, eta bat Ondarroan. Markina-Xemein ere gune berdean sartu da, 60 azpiko intzidentzia tasa daukalako. Mutrikuk gune berdean egoten jarraitzen du, 0ko tasarekin. Joan den aste osoan 14 kasu erregistratu zituzten Lea-Artibain, inoizkorik gutxien.
Azken hiru egunetan [otsailak 26-27-28] COVID-19arekin kutsatutako zazpi kasu erregistratu dituzte Lea-Artibain; Mutrikun ez dute kasurik erregistratu. Lekeition 6 erregistratu dituzte (5 barikuan –otsailak 26– eta bat zapatuan –otsailak 27–), eta bat Ondarroan (barikuan –otsailak 26–). Lekeitioko intzidentzia tasak gora egin du, baina gune horian egoten jarraitzen dute; 221,39ko intzidentzia tasa dauka.
Aazken hiru egunetan Markina-Xemeinen kasurik erregistratu ez dutenez, intzidentzia tasa 60 puntu inguru jaitsi da eta herria gune berdean sartu da; 39,80ko tasa dauka. Mutrikuk ere gune berdean egoten jarraitzen du, 0 tasarekin.
Herriz herriko intzidentzia tasa (eguneratuta):
- Amoroto: 0 (=)
- Aulesti: 149,70 (=)
- Berriatua: 159,11 (80 puntu inguru jaitsi da)
- Etxebarria: 0 (=)
- Gizaburuaga: 0 (=)
- Ispaster: 0 (=)
- Lekeitio: 221,39 (30 puntu inguru igo da)
- Markina-Xemein: 39,80 (60 puntu inguru jaitsi da)
- Mendexa: o (=)
- Munitibar: 0 (=)
- Mutriku: 0 (=)
- Ondarroa: 175,09 (60 puntu inguru jaitsi da)
- Ziortza-Bolibar: 0 (=)
Domekara [otsailak 28] arteko datuak emanda jakin ahal izan da joan den aste osoan (otsailaren 22tik 28ra) Lea-Artibain 14 kasu erregistratu zituztela; aste osoan Mutrikun ez zuten kasurik erregistratu. Hemen herriz herri erregistratutako kasuak:
- Lekeitio: 10
- Ondarroa: 3
- Markina-Xemein: 1
- Amoroto: 0
- Aulesti: 0
- Berriatua: 0
- Gizaburuaga: 0
- Ispaster: 0
- Mendexa: 0
- Munitibar: 0
- Mutriku: 0
Gune gorrian dauden herrien zerrenda ere eguneratu du gaur [martxoak 1] Jaurlaritzak. Eta gune gorrian bakarrik 3 herri daude, eta hirurak 5.000 biztanletik gorakoak dira; 5.000 biztanletik beherako herri bakar bat ere ez dago gune gorrian: Oñati (994,07), Santurtzi (600,74) eta Derio (578,47).
90 urtetik gorakoen txertaketa. Bestalde, Gotzone Sagardui Osasun sailburuak esan du gaur [martxoak 1] 90 urte eta hortik gora duten herritarrei txertoa ematen hasi direla. Guztira 30.000 herritar dira 90 urte eta hortik gora dutenak, eta horiei Pfizer eta Moderna txertoak emango dizkietela esan du. Sailburuak azaldu duenez, kolektibo horri euren egoeretara gehien egokitzen den zerbitzua eskainiko diote, betiere osasun zentroekiko hurbiltasuna lehenetsiz edo euren etxebizitzetara hurreratuz. 100 urte eta hortik gorakoei eskaini modura, auto bidezko txertaketa modalitatea ere eskuragarri egongo dela gogorarazi du.
Era berean, sailburuak gogorarazi du, egoitzetako erabiltzaile eta langile soziosanitarioen txertaketarekin amaitzen ari direla eta osasun arloko profesionalekin jarraitzen dutela, bai eremu publikokoekin eta baita ere pribatukoekin. Horrez gain, Astra Zenecaren txertoa aste honetan kolektibo gehiagotara zabalduko dela esan du; udaltzaingoekin, suhiltzaileekin eta eguneko zentroekin hasiko direla zehaztu du, joan den barikuan hasitako hezkuntza esparruarekin jarraitzeaz gain. Lekeitioko udaltzainei, esaterako, gaur [martxoak 1] hasi dira txertoa ematen.
Ostalaritzari dagokionez, Sagarduik sozializazio espazioek prebentzio neurriak lasaitzera eramaten dutela, eta horrek datu epideimologikoetan eragiten duela. “Intzidentziaren jaitsiera moteldu egin da, eta espazio horietan maskara behar bezala erabiltzeko deia egiten dugu”.
Bestetik, sailburuak martxoaren 8ko aldarrikapenei eustearen alde egin du, baina modu ezberdinean. “Ez da deialdi jendetsuak egiteko garaia”.
Labi Aholku Batzordea barikuan [martxoak 5] batuko da eta egoeraren azterketa sakona egingo dutela aurreratu dute. Besteak beste, astelehenetik aurrera [martxoak 8] indarrean egongo diren neurri berriak iragarriko dituzte.
