Azken hiru egunetan bederatzi kasu gehiago erregistratu dituzte
Barikutik domekara [martxoak 12tik 14ra] Markina-Xemeinen (5), Ondarroan (2), Lekeitio (1) eta Mutrikun (1) erregistratu dituzte kasuak. Guztira, joan den aste osoan [martxoaren 8tik 14ra] 24 kasu erregistratu zituzten, duela bi aste baino hamar gutxiago.
Azken hiru egunetan COVID-19arekin kutsatutako bederatzi kasu gehiago erregistratu dituzte Lea-Artibai eta Mutrikun (duela bi asteko asteburuan bezala): 5 kasu Markina-Xemeinen erregistratu dituzte, 2 Ondarroan eta bana Lekeition eta Mutrikun. Ondorioz, Markina-Xemeingo intzidentzia tasa ia 100 puntu igo da; gune laranjan sartu da.
Herriz herriko intzidentzia tasa (eguneratuta):
- Amoroto: 963,86 (=)
- Aulesti: 0 (=)
- Berriatua: 238,66 (=)
- Etxebarria: 0 (=)
- Gizaburuaga: 0 (=)
- Ispaster: 0 (=)
- Lekeitio: 96,86 (70 puntu inguru jaitsi da)
- Markina-Xemein: 398,01 (100 puntu inguru igo da)
- Mendexa: 0 (=)
- Munitibar: 0 (=)
- Mutriku: 150,55 (ia 20 puntu igo da)
- Ondarroa: 210,11 (12 puntu inguru igo da)
- Ziortza-Bolibar: 0 (=)
Atzora [martxoak 14] datuak emanda, jakin ahal izan da joan den aste osoan 24 kasu erregistratu zituztela (zerrendan agertzen ez diren herrietan ez zuten kasurik erregistratu):
- Mutriku: 8 kasu
- Ondarroa: 7 kasu
- Markina-Xemein: 6 kasu
- Lekeitio: 2 kasu
- Berriatua: kasu bat
