Luis Arraiz karateka ondarrutarrak urrea lortu du Euskadiko Txapelketan
Ondarroa Karate Taldeko kidea Espainiako Txapelketan ariko da ekainean.
Arraiz, ezkerretik lehena. Kata modalitateko Euskadiko Beteranoen VI. Kopa Miribillan jokatu zen martxoaren 7an, eta horretan parte hartu zuen Luis Arraiz Ondarroa Karate Taldeko irakasleak. Parte hartzeaz gain, ondarrutarrak lehen postua lortu zuen, eta herrira urrezko dominagaz itzuli zen.
Lehendabizi Bizkaiko Txapelketa irabazi zuen Arraizek; laugarrenez irabazi zuen txapelketa hori. Eta orain Euskadikoan ere nagusi izan da. HITZAri jakinarazi dionez, ekainean Espainiako Txapelketa lehiatuko du.
