Amaia Antxustegi lekeitiarrak hartu du foru diputatu kargua
Unai Rementeria Ahaldun Nagusiak, bere izendapena ofizial egin du gaur [ martxoak 17] Gernikako Batzar Etxean ospatu den ezohiko gobernu kontseiluan.
Kargu hartzearen ondoren diputatuek atera duten argazkia. Argazkia: Bizkaiko Foru Aldundia Amaia Antxustegi lekeitiarrak eta Elixabete Etxanobek Iraunkortasuna eta Ingurune Naturala Zaintzeko eta Herri Administraziorako eta Erakunde Harremanetarako diputatuen karguak hartu dituzte gaur [martxoak 17] goizeko lehen orduan Gernikako Batzar Etxean egin den ezohiko gobernu kontseiluan.
Unai Rementeria Ahaldun Nagusia izan da bien zin egitea zuzendu duena eta, ondoren, foru gobernuaren taldearen barruan dituzten ardurak hartuko dituzte. Ekitaldia amaitzean diputatuek ohikoa den argazkia atera dute.
