Gizonezko bat Artibai errekatik atera dute Ondarroan
Ertzaintza ere bertaratu da. Bai ertzainek eta baita ere udaltzaingoek gizonezkoa azkar atera nahi izan dute handik, marea gora zetorrelako.
Udaltzainek HITZAri esan diotenez, ustez gizonezkoa Artibai ibaira hurreratu da Ibaiondon, Zubi Zahar herri ikastolaren parean, eta ezin aterata geratu da. Udaltzainek esan dute gizonezkoa beste leku batetik ateratzen saiatu direla, baina ezin izan dutela eta suhiltzaileei deitu diotela. Azkenean, baina, giza-katea egin eta gizonezkoa erreka bazterretik ateratzea lortu dute, eta osasun etxera eraman dute.
Ertzaintza ere bertaratu da. Bai ertzainek eta baita ere udaltzaingoek gizonezkoa azkar atera nahi izan dute handik, marea gora zetorrelako.
HITZAk jakin ahal izan duenez 85 bat urteko herritarra izan da errekan harrapatuta geratu dena. Eremu horretan orbel asko egoten dela esan dute, eta litekeena dela orbelagaz irrist egin eta erori eta min hartu izana.
