Azken orduetan Ondarroan eta Mutrikun erregistratu dituzte kasuak
Ondarroan 7 kasu erregistratu dituzte, eta 4 Mutrikun. Azken horri dagokionez, gune gorrian sartzear da, 395,18ko tasarekin. Ondarroako eta Markina-Xemeingo tasak 20 puntu inguru jaitsi dira, eta Markina-Xemeingo tasa 400 azpitik kokatu da. Bestalde, hiru lurraldeetako tasak igo egin dira.
Azken orduetan Ondarroan (7) eta Mutrikun (4) erregistratu dituzte COVID-19arekin kutsatutako kasuak. Horren ondorioz, Mutrikuko intzidentzia tasa ia 50 puntu igo da, eta gune gorrian sartzear da (395,18). Bestalde, Markina-Xemeingo eta Ondarroako tasak 20 puntu inguru jaitsi dira.
Markina-Xemeinen gaur [apirilak 13] sartu dira indarrean 400dik gorako tasa duten udalerrientzako neurri murriztaileak. Gaur, baina, Markina-Xemeinek 398,01eko intzidentzia tasa dauka. Dena dela, nahiz eta Markina-Xemeingo tasa 400dik beherakoa izan, neurri murriztaileak indarrean egongo dira gutxienez gaurtik datorren astelehenera arte [apirilak 19].
Lurraldeak. Arabak 426,70eko tasa dauka (+3 puntu), Bizkaiak 360,91koa (+46 puntu) eta Gipuzkoak 500,10ekoa (+17).
Herriz herriko intzidentzia tasa (eguneratuta):
- Amoroto: 963,86
- Aulesti: 0
- Berriatua: 795,54
- Etxebarria: 0
- Gizaburuaga: 1.000
- Ispaster: 134,41
- Lekeitio: 152,21
- Markina-Xemein: 398,01 (ia 20 puntu jaitsi da)
- Mendexa: 211,86
- Munitibar: 0
- Mutriku: 395,18 (ia 50 puntu igo da)
- Ondarroa: 980,51 (20 puntu inguru jaitsi da)
- Ziortza-Bolibar: 0
