Bizkaiko Batel Txapelketa irabazi dute Isuntzako kadeteek
Bizkaiko Batel txapelketa lehiatu zuten domekan [apirilak 11] Sestaoko uretan.
Lekeitioko Isuntza arraun taldekoak. Argazkia: Isuntza Arraun Elkartea Garaipenagaz itzuli ziren Lekeitiora joan den domekan [apirilak 11] Isuntzako kadete mailako neskak. Sestaon jokatu zen Bizkaiko Batel Txapelketa irabazi zuten 07:25,50 denbora eginez. Isuntzako gazte eta nagusien mailako neskak ere ondo aritu ziren, bigarren postuak lortu zituzten; Kaikuren atzetik geratu ziren Isuntzako neska gazteak 10:27,27 denboragaz eta Deusturen ondoren nagusien mailakoak 10:12,86 denboragaz.
Ondarroako batelak ere ez ziren falta izan Bizkaiko lehian. Kadete mailako neskak laugarren geratu ziren (07:51,86). Mutiletan, berriz, Ondarroak hirugarren, Leak laugarren eta Isuntzak bosgarren egin zuten.
Gazte mailan, laugarren geratu zen Ondarroako batela emakumezkoetan (10:31,64) eta laugarren postuan amaitu zuen Isuntzako mutilen batelak ere (09:42,91).
Nagusien mailan, berriz, laugarren postua eskuratu zuten Ondarroako neskek (10:18,36).
