Aurrerak bosgarren garaipena jarraian lortu du
Aurrerak 0-2 irabazi dio Soduperi Hirugarren Mailako bigarren fasearen 2. jardunaldian.
Ondarroaren eta Soduperen arteko partidua. Argazkia: Mikel Santiso. Hirugarren Mailan segitzeko ilusio eta erronka lortzeko, ligaren bigarren fase honetako partidu bakoitza “final bat” da, eta emaitza onak lortzen ari da Aurrera Kirol Elkartea. 1. jardunaldian 1-0 irabazi zion Ariznabarrari, eta zapatuan [apirilak 17] jokatutako 2. jardunaldian 0-2 nagusitu zitzaion Sodupe UCri.
Asteburukoa Aurrerak jarrain lortzen duen bosgarren garaipena izan da; ligako lehen faseko azkenengo hiru partiduak eta bigarren faseko lehenengo biak irabazi ditu.
Iraitzek sartu zituen zapatuko partiduko bi golak. 31. minutuan sartu zuen lehenengoa, eta 0-1eko markagailuagaz amaitu zuten lehenengo zatia. 56. mintuuan, talde ondarrutarrak bi aldaketa egin zituen: Lejardi eta Julen Fernandez sartu ziren Eñaut eta Praderaren ordez, eta epaileak Soduperen jokalari bat kaleratu zuen.
Ligaren bigarren fase honetan, Aurrerak hamar jardunaldi lehiatuko ditu ekainaren bigarren asteburura bitartean. Hamar talde ari dira mailari eusteko borrokan, eta horietatik sei talde mailaz jaitsiko dira. Gaur gaurkoz, jaitsiera saihestuko luke Ondarroako taldeak. Sailkapenean hirugarren postuan dago, Tolosa CF eta CD Santurtziren atzetik. SCD Durango dago laugarren, eta honako talde hauek daude jaitsiera postuetan: Balmaseda FC, JD Somorrostro, Lagun Onak FT, Sodupe UC, CD Ariznabarra eta Urgatzi KK.
Domekan [apirilak 25] Aurrerak Durangoren aurka jokatuko du Zaldupen.
