Ondarroako udaleku ibiltariei buruzko batzarra deitu dute gurasoentzat
Ondarroako Barnetegixe Hezkuntza Elkarteak eguaztenean [apirilak 21] egingo du 2021eko udaleku ibiltariei buruzko aurkezpena. Kofradia Zaharrean bi hitzordu ipini dituzte.
Aurten ere bi udaleku antolatu dituzte, eta irteera horiei buruzko xehetasun guztiak eman eta zalantzak argitzeko deitu dituzte guraso batzarrak. 17:00etan hasita, 2007 eta 2010 urte bitartean jaiotakoen gurasoekin batuko dira eta 18:00etan hasita, berriz, 2005 eta 2006an jaiotako gurasoekin.
2007tik 2010ra jaiotakoei zuzendutako udaleku ibiltaria egingo dutenek Bakio eta Ondarroa arteko ibilbidea gauzatuko dute uztailaren 12tik 19ra. 2005 eta 2006an jaiotakoek, ostera, Ondarroa-Urduña-Ondarroa ibilbidea egiteko aukera edukiko dute uztailaren 21etik abuztuaren 2ra.
Udalekuetan izena emateko interesa dutenek hiru era edukiko dituzte aukeran. Alde batetik, ikastetxeetan eta gurasoentzako aurkezpenean banatuko diren izen emate orriak beteta eman daiteke izena. Internet bidez ere zabaldu dute izena emateko aukera: txikien udalekuan (2007tik 2010ra jaiotakoak) izena eman nahi dutenek honako loturan eman beharko dute izena eta handien udalekuan (2005an eta 2006an jaiotakok) izena eman nahi dutenek, berriz, honakoan.
Zalantzak argitzeko edota informazio gehiago jasotzeko 639 03 14 02 (udaleku handiak) 688 81 79 27 (udaleku txikiak) telefono zenbakietara deitu edota udalekuibiltarixak@gmail.com helbide elektronikora idatzi daiteke.
