Aulestiko gaztetxea, berriro martxan
Pandemia hasi zenetik itxita egon ondoren, lehen ekimenak egin zituzten zapatuan [azaroak 27] gaztetxean.
Aulestiko gaztetxearen berrinaugurazioan parte hartu zuten gazte batzuk. Argazkia: Itsasne Diez COVID-19 pandemia dela eta denbora luzean itxita egon da den Aulestiko gaztetxeak bere ekitaldiei ekin die berriro asteburuan. Ekimenei berriro ere hasiera emateko, egun osoko egitaraua prestatu zuten zapaturako [azaroak 27].
Eguna oso euritsua izan zenez, gaztetxe barruan egin zituzten ekintza denak, bazkaria barne, eta gauerako iragarrita zituzten kontzertuak bertan behera geratu ziren denboralea dela-eta taldeak ezin izan zutelako Aulestira ailegatu. Hala ere, ekimenaren balorazioa positiboa egin dute. “Berriro ere ekintzak egiten hasi gara, eta gainera jende berria ere batu da”.
