Aro berrirantz joateko lanabesa da euskara. Hala dio Euskararen Nazioarteko Egunerako erakundeek onartutako adierazpenak. Hemen HERRIZ HERRIKO egitaraua!
Euskararen Nazioarteko Eguna da abenduaren 2a. Berraktibatzeko garaia da, euskararen alde ekitekoa. Euskararen biziberritzearen aldeko pauso esanguratsuak eman behar direla adierazi dute euskararen aldeko bi egitasmo sozialik handienek, Korrikak eta Euskaraldiak, eta «atzerapausorik ez emateko» aurrerapausoak ematen jarraitu beharra dagoela azpimarratu dute.
[IKUS HERRIZ HERRIKO EGITARAUA]
Aro berrirantz joateko lanabesa da euskara. Hala dio Euskararen Nazioarteko Egunerako erakundeek onartutako adierazpenak. Izan ere, aro berrian, harreman eta komunikazio molde, ohitura eta bide berriak sortzen ari dira, eta are berriagoak sortuko dira. Errealitate horren aurrean, dagokion tokia hartu behar du euskarak. Izan ere, pandemiak argi utzi du komunikazio ildo eta sareak «ezinbesteakoak» direla eta komunikazioak balioa eransten diola edozein jarduerari: «Sakon-sakoneraino barneratu dugu komunikazioaren funtsezkotasuna. Hori da aro berriaren ezaugarri nagusietariko bat. Eta hori berau du euskarak erronka: komunikazio eta jarduera eremu berrietan ere, naturaltasun osoz, dagokion tokia hartzea. Eraginkorki. Tinko».
