Bazkideen omenezko kontzertua emango du Xemein Abesbatzak
Algortako Bihotz Alai Abesbatzak ere parte hartuko du ekitaldian. Zapatuan [abenduak 11] abestuko dute Mertzedeko elizan.
Urtero modura, Gabonen atarian, bazkideen omenezko kontzertua eskainiko du Xemein Abesbatzak. Algortako Bihotz Alai Abesbatza gonbiatu dute aurten ekitaldi berezira. Zapatuan [abenduak 11] 20:00etan abestuko dute abesbatza biek, Mertzedeko elizan.
Markina-Xemeingo abesbatzak lauzpabost kanta eskainiko ditu hasteko, eta Algortako Bihotz Alaik lehenengo, opera ezagun bateko abestiak kantatuko ditu, eta ondoren, euskal eta Gabon kantak eskainiko ditu.Amaitzeko biek batera kantatuko dituzte pare bat abesti.
Pandemiaren ondorioz, iaz ospatu barik geratu zen bazkideen omenezko kontzertua berreskuratuko dute, gizonezko- en ahots grabeen koruagaz. Esan dutenez, urteak dira Markina-Xemeinen ez dela horrelako abesbatzarik egon, eta herrira gauza ezberdin bat ekartzeagaz “pozik” daudela azaldu dute.
