Neguko Bolak hiru txirlo txapelketa jokatuko da Markina-Xemeinen
Zapatuan [abenduak 18] lehiatuko da txapelketa. Zazpi sari egongo dira.
Neguko Bolak hiru txirlo bola txapelketa antolatu du zapaturako [abenduak 18] Markina-Xemeingo Hiru Txirlo Taldeak. Markina-Xemeingo Lauzirika bolatokian jokatuko da txapelketa; 17:00etan hasiko dira tiraldiak, eta guztira zazpi sari banatuko dituzte.
Parte hartzeko izen ematea 7 eurokoa izango da, eta maskara erabiltzea derrigorrezkoa izango dela ohartarazi dute antolatzaileek.
Sariak ondokoak izango dira:
- Txapela, garaikurra eta 250 euro
- Garaikurra eta 150 euro
- Garaikurra eta 100 euro
- 75 euro
- 25 euro
- Larruz gazta
- Axpeko sagardoa
