Unai Agirretxeak irabazi du Hamen Bertokoaren azaroko zozketa handia
Berriatuarrak Hamen Bertokoa sareko kide diren eskualdeko ekoizleen otzara irabazi du.
Agirretxea, irabazi duen otzarako produktuekin. Argazkia: Hamen Bertokoa. Unai Agirretxea berriatuarrak Hamen Bertokoako dendetan egin ditu erosketak azaroan. Modu horretara, zozketan sartu da, eta azkenean ere saria irabazi du. Lea-Artibaiko ekoizleen sareak beste behin ere bertoko produktuak kontsumitzearen garrantzia azpimarratu du.
Bide beretik gogorarazi dute Gabonetan ere bertoko produktuak erosteak daukan garrantzia. “Gure ekoizle, merkatari eta ostalariak tokiko ekonomiaren motorra dira, dinamizatzaileak. Eskualdean egiten dute lan eta eskualdearekiko konpromisoa dute”. Gainera, tokiko kontsumoaren alde eginda, garraioa eta ondorioz CO2 isurketak murrizten direla diote. “Horrez gain, osasuntsu jateko aukera paregabea da”.
Gogorarazi dute irailaz geroztik eskuragarri daudela Hamen Bertokoako otzarak. Ondoko establezimenduetan daude eskuragarri:
- Lekeitio:
- Azoka denda: Buenaventura Zapirain, 5. Eskaria telefonoz egiteko: 667 51 19 04.
- Bideitzen: Atea kalea, 3. Eskaria telefonoz egiteko: 94-624 31 84.
- Kasumay: Pascual Abaroa, 23. Eskaria telefonoz egiteko: 632 77 45 47.
- Markina-Xemein: Ituarte (Artibai kalea, 50). Eskaria telefonoz egiteko: 94-616 62 30.
- Ondarroa:
- Bolin: Artabide kalea, 7. Eskaria telefonoz egiteko: 94-683 02 54.
- Sustrai: Iparragirre, 6. Eskaria telefonoz egiteko: 94-683 07 62.
