Oraindik ez dira agertu Mutrikuko 'Herri Botia' zozketako zenbaki saritu guztiak
Astebete geratzen da zenbaki saridunak aurkezteko.
Urtarrilaren 10ean egin zuten zozketa, eta saritutako zenbaki batzuk agertu badira ere, beste batzuk ez direla agertu jakitera eman dute udal iturriek. Zehaztu dutenez, zortzi zenbakiren jabeak oraindik ez dira agertu. Hain zuzen ere, laugarren sari biren eta sei sari txikiren jabeak agertzea falta da oraindik.
Zenbaki saridunak aurkezteko azken eguna urtarrilaren 31 da. “Data horren ondoren, hau da, otsailaren 1etik aurrera, ordezko zenbakia izango da sariaren irabazlea. Zenbaki horien jabeek beste hamabost lanegun izango dituzte txartelak aurkezteko”. Saridunek turismo bulegora joan ordez, udaletxeko harrerara joan beharko dute. “Lanak direla eta, turismo bulegoa itxita egongo da egun batzuez”.
Falta diren zenbaki sarituak:
- Laugarren sariak: 11.219 (36.908) eta 85.412 (ordezkoa: 18.845); bakoitzak 280 euroko saria (140 euroko 2 bonu).
- Sari txikiak: 01.017 (ordezkoa: 50.500), 21.338 (ordezkoa: 03.947), 79.363 (ordezkoa: 24.259), 75.131 (ordezkoa: 06.696), 17.500 (ordezkoa: 08.001) eta 76.909 (ordezkoa: 37.378); 140 euroko bonu bana bakoitzari.
