Bilatu
Sartu
  • izan HITZAKIDE
  • zozketak
  • eskaintzak
  • hemeroteka
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Amoroto
      • Aulesti
      • Berriatua
      • Etxebarria
      • Gizaburuaga
      • Ispaster
      • Lekeitio
      • Markina-Xemein
      • Mendexa
      • Munitibar
      • Mutriku
      • Ondarroa
      • Ziortza-Bolibar
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritziak
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Emakumeak Lerroburura
    • Naturan barrena
    • Euskaldunak Australian
    • Adimen A.
  • Nor gara
  • Publizitatea
  • izan HITZAKIDE
  • zozketak
  • eskaintzak
  • hemeroteka
Sartu
Kirola

Urrezko Binakako Txapelketaren finalean ariko da Ugaitz Mugertza

Julen Gabirondo urnietarrarekin batera, martxoaren 6an Azpeitiko Izarraitz pilotalekuan jokatuko den finalean aritzeko laugarren txartela eskuratu du.

Nerea Bedialauneta Alkorta
Mutriku
2022/02/24

Gizonezkoen XXII. Urrezko Binakako Aizkolari Txapelketa-Eusko Label Sariaren final handian, dagoeneko finalisten zerrendan dauden beste hiru bikote izango dituzte aurkari: Patxi Mindegia-Joxean Etxeberria, Hodei Ezpeleta Bihurri-Jokin Urretabizkaia Basozabal eta Julen Alberdi Txikia IV.a-Suharri Rodriguez Paolla. Mugertzak lau aldiz irabazi du binakako txapelketa (2014ean, 2015ean, 2016an eta 2017an Aitzol Atutxarekin) eta beste hirutan txapeldunorde geratu da (2011n eta 2012an Angel Arrospiderekin eta 2020an Txikia IV.arekin); txapela berriro janzteko ilusioa duela azpimarratu du.

Azpeitiko finala estua izango dela aurreikusten du mutrikuarrak. “Txapelketako lau bikoterik indartsuenak batuko gara finalean, eta ikuskizuna ziurtatuta egongo da alde horretatik. Txikiak eta Suharrik oso bikote sendoa osatzen dute, eta Basozabalek eta Bihurrik ere aurrean egoteko aukera asko izan ditzakete; nik uste dut hor egongo dela borroka. Julen eta biok gauzak ondo egiteko eta maila ona emateko plazaratuko gara”.

Gabirondo eta biak sasoiko daudela gaineratu du. “Entrenamenduetan gustura gabiltza. Duela hiru aste gainditu nuen koronabirusa, eta azken hamabost egunetan sentsazio onekin ibili naiz. Baina aste honetan sukarrarekin egon naiz, eta pixka bat ikututua nago. Arrazoi horregatik ez dut entrenatzeko aukerarik eduki; ea asteburuan entrenamendu on bat egiteko aukera daukaten”.

Finalerdiko txapelduna azken bi enborretan erabaki zen

Domekan [otsailak 20] Urnietako Placido Mujika plazan lehiatu zen azken finalerdiari dagokionez, Jon Rekondok eta Ibai Soroak osatutako bikotearen eta Eneko Saralegik eta Txomin Amundarainek osatutako bikotearen aurka aritu ziren nor baino nor azkarrago. Hamahiru pago enbor moztu behar izan zituzten hiru bikoteek: erlojuaren aurka 45 ontzako enbor bi, zutik kanaerdiko enbor bat, abiadura proban 60 ontzako bi enbor, zutik 45 ontzako enbor bat eta etzanda kanaerdiko enbor bat. Dena borobiltzeko, lan erdira, 60 ontzako sei enbor moztu behar izan zituzten.

Finalerdia estua, lehiatua eta emozioz betea izan zen; azken enborrera arte ez zen argi egon nork irabaziko zuen finalerdia. Hiru bikoteek nahikoa parekatuta hasi zituzten lanak, baina enborrak mozten joan ahala, Mugertza II.a eta Gabirondo aldeko segundoak pilatzen joan ziren gutxinaka. Azken laneko atarira aurretik ailegatu ziren; zazpi segundoko errenta zeukaten Rekondo eta Soroarekiko eta 39 segundokoa Saralegi eta Amundarainekiko.

Probaren azken txanpa “oso gogorra” izan zela esan du. “Lehen enborra oso txarra egokitu zitzaigun, eta 20 segundo baino gehiago galdu genituen. Bigarrengo enborrarekin ere ez ginen fin aritu eta hirugarrenean ere nahikoa egur txarra egokitu zitzaigun. 30 segundo atzetik ipini ginen, eta hori ikusita, momentu batean, etsituta ere egon nintzen, txanda librean 30 segundo berreskuratzea ia ezinezkoa delako. Laugarren enborrarekin segundo batzuk murriztu genuen aldea, eta azken bi enborrak aurretik botata, ezinezkoa zirudien emaitza iraultzea lortu genuen. Ez sinesteko moduko proba izan zen; aizkoran nabilen urteetan, binakako lehian batean halakorik gerta zaidanik ez dut gogoratzen”.

Erakustaldi bikaina emanda mutrikuarra eta urnietarra izan ziren bizkorrenak; bigarren sailkatuei 36 segundoko aldea aterata, 23 minutu eta 44 segundotan osatu zituzten lanak. Bigarren, Jon Rekondo eta Ibai Soroa izan ziren (24.20) eta hirugarren, Eneko Saralegi eta Txomin Amundarain (26.29).

Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Azken 3 egunetako irakurrienak

 

 

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Bizkaiko Diputazioak zerga neurri guztiak onartzea espero du, sozialistekin edo «beste alderdiren batekin»

Asteko albiste garrantzitsuenen buletina jaso nahi?

Buletina barikuetan bidaltzen da, eta Lea-Artibai eta Mutrikuko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-684 44 36
  • lea-artibai@hitza.eus
  • Arretxinaga etorbidea, 1 - 48270 Markina-Xemein
  • Publizitatea
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.