Korrika Txikia egin dute Lekeitioko kaleetan zehar

Mandaskatik irten da Korrika Txikia eta herriko kaleak zeharkatu ostean plazan egin dute amaierako ekitaldia.

2022/04/07

Gogoz hartu dute Lekeitioko herritarrek Korrika txikia. Eguna lagun izan dute eta Korrikarako motorrak eta giharrak berotzeko aukera ezin hobea izan dute. Mandaskatik irten dira 11:00etan eta ziztu bizian osatu dute herriko kaleetako ibilbidea, gogo asko zituzten. Plazan ekitaldi nagusia osatu dute hitzaldiagaz, bertsoekin eta abestiko koreogafiagaz.