Lekeitioko Udalak hurrengo berrurbanizazio plana aurkeztu die herritarrei
Karmengo Ama, Antiguako Ama eta Basotxo kaleen proiektuaren zirriborroaren nondik norakoak azalduko dituzte etzi [apirilak 28]
Lekeitioko kaleen berrurbanizazio plana aurrera darrai eta hartuko duen hurrengo herriko eremua Karmengo Ama, Antiguako Ama eta Basotxo kaleak izango dira. Udalak egingo diren lanen aurkezpena egingo die auzokideei, eta era berean, haien iritzi eta ekarpenak jasoko dituzte proiekturako. Hitzordua etzi da [apirilak 28] 18:30eatik aurrera kultur etxeko Azkue aretoan. Hiru kale hauetako lanak udazkenean hastea aurreikusten du udalak.
Herriko beste zonalde batzuetako bideorri bera jarraituko dute. Helburua da irisgarritasuna, ur-hornidura, argiteria publikoa edota saneamendua berrizteko eta hobetzeko lanak egitea. Aurten dagoeneko Basoaldeko berrurbazinazioa gauzatu dute eta epe laburrean Zumatzeta, Otxoa Urkiza, Buenaventura Zapirain, Harbiatx, Agirre Solarte, Kasimiro Etxebarria, San Inazio eta Letraukua kaleetan egingo dituzte lanak, behin proiektuaren idazketa adjudikatu duelarik.
